YA
KAROLO II
Maikemišetšo a Boto mo lekaleng lekhwi la nepišo ke go nolofatša nyakišišo ya dikgatako tše di ukangwago tša ditokelopolelo, morero goba tirišo. PANSALB e hlohleletša tirišo le morero wo o tlogo thuša go lokolla Maafrika go mehuta ka moka ya kgethollo ya polelo.
Gapegape Boto e šoma go hlatloša tlhompho ya maleme ka moka a mmušo mono Afrika-Borwa, le go tšweletša tlhathollo le go fihlelela ditokelopolelo. Dingongorego tša ditokelopolelo gantši di šupa mathata mabapi le morero wa polelo, tirišo le tšhomišo gomme di nyalelana le modiro wa makala a mangwe a nepišo a PANSALB.
Tshepetšo ya nyakišišo
Mengwageng ye mmalwa ya go feta, go ile gwa hlabollwa tlhako ya dinyakišišo tše di amanago le dikgatako tša ditokelopolelo, tšeo di nyalelanago le tlhako ya maatla le makgoni bjalo ka ge di hlalositšwe ka go Molao wa 1995 wa Pan South African Language Board (Boto ya Maleme a Afrika-Borwa). Molao wo o beakanyetša nyakišišo ya dingongorego ka moka tše di hlagišwago.
Ka Afrika-Borwa, ditokelopolelo di theilwe godimo ga setlwaedi sa ditokelo tša motho ka noši tša go kgonthiša tekatekano ya bohle le tlhokakgethollo kgahlano le motho ofe le ofe yo a ratago go fihlelela ditokelo tša gagwe.
nyako ya go laetša tlhompho go dihlopha tše di lego gona tša setšo le polelo;
nyako ya go šireletša bohwa bja setšo bja dihlophapolelo tše ; le nyako ya go kgontšha baagi go ba le mafolofolo le go lekalekana le go kgatha tema ka go tshepetšo ye e bulegilego ya temokrasi ya dipolitiki le ya semolao.
Go fa mohlala ditokelopolelo di ka šomišwa ke -
modiredi kamanong le mongmodiro wa gagwe;
moagi kamanong le makala a mmušo a peomolao, boahlodi le taolo;
baithuti ka lehlakoreng la thuto;
barekedi bophelong bja tša papatšo;
maloko a makgotla a boithaupo; le badirelwa ba mekgatlo ya semolao.
Go fihla mafelelong a Matšhe 2001, go be go hlagišitšwe palomoka ya dingongorego tše 160.
Go tloga ka 1997 PANSALB e ile ya fahlogela koketšego ye e bonalago ya palo ya dingongorego tšeo di hlagišwago, gammogo le palo ya dingongorego kgahlano le dikgoro tša mmušo. Karolo ya bobedi ye kgolo yeo e bego e lebantšhitšwe ke dingongorego ke mekgatlo ya semolao le makgotlana a setšhaba.
Mo ngwageng wa 2000 - 2001, go hlagišitšwe dingongorego tše 76, e lego seo e ka bago seripagare sa palomoka ya dingongorego. Palo ya dingongorego mabapi le maleme a setšo e laeditše koketšego ye nnyane ge e bapetšwa le ya 1999 -2000, k.g.r. go tloga go 5% go ya go 11%.
Dikhwetšo tšeo di gatišitšwego go fihla bjale di akaretša dingongorego tše 33 tša tšeo di hlagišitšwego.
Kamokamoka go tšweletše dikhwetšo tše 20 ka go Kuranta ya Mmušo go fihla bjale, tšeo tše 17 tša tšona di gatišitšwego ngwageng wa 2000 - 2001.
Dinyakišišo di šetše di phethagaditšwe go palo ye e ka bago seripagare sa melato . Le ge go le bjalo go sa na le kgato ya dipoledišano le kgato ya ditherišano goba ya keletšano pele ga ge go ka phatlalatšwa khwetšo, tšeo di tšeago nako go ka rungwa.
Go fihla bjale dikhwetšo tša Boto tše di phatlaladitšwego di akaretša dingongorego tše 33 tša palomoka ya dingongorego. Dikgatako tše di tšwelelago kgafetšakgafetša di begwa ka mehla. Melato yeo go yona Boto e phatlaladitšego khwetšo yeo e sego ya šomišwa le ge go bile le dipoledišano, go fa mohlala, ya Komosasa wa Pušetšo, e tsoma ditsela tšeo e sego tša mehleng godimo ga tšeo di beakanyeditšwego ka go Molao wa PANSALB.
Ditsela tša go phatlalatša diforomo tša dingongorego
Mokgwa wa phatlalatšo kamanong le diforomo tša dingongorego o theilwe godimo ga -
dikgopelo tša diforomo tšeo di dirilwego ke batho ka noši le mekgatlo yeo e ratago go hlagiša dingongorego;
dinyako ge go bolelwa diwekšopong tše dingwe moo tlhahlo ya morero wa polelo e filwego ke PANSALB.
Leano la go hlatloša temogo: diprotšeke tša pulamadibogo le Dikomitipolelo tša Diprofense (di-PLC)
PANSALB e nyaka gore dihlophapolelo ka moka di lemošwe ka ga ditokelopolelo tša tšona. Ka ge tlhathollo ye e lekalekanago ya maleba ya karolo ya 6, yeo e laetšago dikayo le dikhuti tša karolo yeo, e le bohlokwa kudu malebana le modiro wa Lekalanepišo lekhwi, e swanetše go aba tshedimošo le go hlohleletša bao ba lego ka tlase ga nyakišišo gore ba ikamanye le tlhathollo ya yona ya maleba.
Kgauswinyana PANSALB e sa tšo thoma go sepediša diwekšopo tša go hlatloša temogo le go aba tlhahlo go di-PLC mabapi le tshepedišo ya dingongorego ka ga dikgatako tša ditokelopolelo go PANSALB. Diwekšopo tša pulamadibogo di thomile ka la 28 Matšhe, 2001 kua KwaZulu-Natal. Nepo ya tšona ke go tsebiša di-PLC peakanyo ya bjale yeo e dirišetšwago nyakišišo ya dingongorego tše di ukangwago tša ditokelopolelo. Karolo ya Molao ya PANSALB e swaragane le maitekelo akhwi ka nepo ya go fihlelela maikemišetšo a mmalwa -
go hlatloša temogo mabapi le ditokelopolelo;
go hloma motheo wa tšhomišano gare ga di-PLC le PANSALB mabapi le dingongorego tša ditokelopolelo;
go hlalosa ka moo PANSALB e šomanago le dingongorego tša ditokelopolelo ka gona;
go nolofatša dingongorego tša ditokelopolelo;
go kgopela di-PLC go fa pegelo mabapi le dikamako, maithomedi le dikhwetšo tša PANSLB, ge di kgopelwa; le go fa tshedimošo ya boithekgo go dira gore PLC e kgone go thuša ka tlhapetšo ya mohola wa PANSALB, ge e kgopelwa.
Tšhomišano le dihlongwa tše dingwe
PHATIŠIŠO LE TLHABOLLO
Boto e tšea gore phatišišo ke setlabelo se bohlokwa sa kgontšho se se ka lokišago mathata a polelo ka Afrika-Borwa. Gare ga ngwaga wa ditšhelete wa 2000/2001 Boto e ile ya thomiša ka diprotšeke tša phatišišo le tlhabollo. Diprotšeke tšeo di tšwelago pele mme di bego di thekgwa ka tšhelete mengwageng ye e fetilego le tšona di be di laolwa ke kantoro ya Boto. Leano la PANSALB ke go thekga diprotšeke tša phatišišo le tlhabollo tšeo di amanago le tšhutišo ya makgoni le matlafatšo ya bafatišiši ba bannyane; kudu bao ba tšwago ditšhabeng tšeo peleng di bego di tshedišitšwe mahlo.
Gore bomalementši bo tle bo hlatlošwe ka mono Afrika-Borwa, Boto e ile ya thomiša ka diprotšeke tša phatišišo tšeo nepo ya tšona e bego e le go hloma maemo ao a swanelago tlhabollo le tšhomišo ya maleme ka moka a mmušo, ngwageng woo o tsinkelwago.
DIPROTŠEKE TŠA PHATIŠIŠO LE TLHABOLLO LEKALA KA LEKALA LA NEPIŠO
Tlhabollo ya dingwalo le maleme ao peleng a bego a hlaetšwa mahlo
Nako
Nepo ya protšeke ye e be e le go hlohleletša barutwana ba ditoropong go šomiša maleme ao ba a dirišago tšatšikatšatši.
go ya go
Tekolo ya maleme a Khoe le San ka Kapa Leboa - ke Kgoro ya Bokgabo le Setšo - Kapa Leboa
Ga go selo
-03-1999 go ya go
Phetolelo le Tlhathollo
Nako
Protšeke ya Setšhaba ya Polelo
Nepo ya protšeke ye ke go hlabolla motlolo wa tlhathollo wa Mafelo a Tlhokomelo a Maphelo
go ya go
Protšeke ya Mmušo wa Tikologo ya Ditirelo tša Phetolelo le Tlhathollo - ka LOGTIS
Go nyakišiša tlhathollo ya botsetedi legatong la mmušo wa tikologo le go hlama mošupatsela.
GO YA GO
Nepo ke go fihlelela profaele ya phetolelo le tlhathollo ka go Peomolao
go ya go
Kago ya bokgoni:Tlhahlo ya bafetoledi - ka UOFS
Bafetoledi le bahlatholli ba lesomesenyane ba ile ba hlahlwa.
go ya go
Polelo thutong
Nako
Go ithuta le go ruta Khemistri ka Sezulu- ka UDW
Nyakišitše tšhomišo ya Maleme a Afrika bjalo ka maleme a go ruta.
go ya go
Phethilwe
go ya go
Pego e a feleletšwa
Go nyakišitšwe dikakanyo tša barutwana mabai le leleme la Sethosa.
go ya go
Phethilwe
Polelo thutong: Lesolo la Temošo - ka UPE
Nyakišišo ye e nepišitšwe go tlhatlošo ya temogo ya dikolo go hlabolla merero yeo e tlogo hlatloša bomalementši le maleme ao peleng a bego a hlaetšwa mahlo.
go ya go
E tšwela pele
Thuto ya Seisimane godimo ga bokgoni bja Polelo ya ka Gae - ka Wits
go ya go
E tšwela pele
Nepo ke go nyakišiša ge e le gore Polelotirišwa ya malemepedi e ka se be kgetho ya go tia.
go ya go
E tšwela pele
Phihlelelo ya Tsebotlhaka- ka Molteno
go ya go
E tšwela pele
Peakanyo ya Boemo ya Polelo
Nako
Phutše madibogo a tsela ya go oketša tirišo ya maleme a Afrika ka go šomiša dithaetlelethuši
go ya go
Phethilwe
Tekolo ya setšhaba mabapi le tšhomišo ya dipolelo le ditaba tše di hlagago go seemo sa bomalementši ka Afrika-Borwa.
go ya go
Phethilwe
TAOLO YA DITHUŠO TŠA PANSALB
Gore go tle go be le taolo ye e nepagetšego ya taolo ya dithušo tša yona le tshepetšo ya go bitša le go sekaseka dikgopelo tša dithušo, PANSALB e ile ya bonana le Setheo sa Setšhaba sa Phatišišo National Research Foundation NRF go nyaka thušo. Se se dirilwe ka lebaka la boitsebelo bja NRF mabapi le go hloma dipeakanyo tša go laola dithušo, gammogo le taolo ya dithušo. Morago ga go ela dinyako tša Boto go ile gwa fihlelwa kwano gare ga PANSALB le NRF ya gore go hlabollwe peakanyo yeo e tlogo swanela PANSALB. Sekhwi se dirilwe gomme go saenilwe kontraka gare ga mahlakore a ka mabedi ngwageng wa ditšhelete wa 2000/2001.
Kgoeletšo ya ditšhišinyo e ile ya tsebagatšwa ka go dipegaditaba tša go fapana. Dikgopelo tšeo di amogetšwego di ile tša sekasekwa ke panele ya ditsebi tšeo di ilego tša dira ditigelo go Boto. Dithušo tšeo di filwego di tla laolwa ke NRF. NRF e ile ya be ya laetša PANSALB nyako ya go beakanyetša tlhahlo ya bokgoni mabapi le ka moo tšhišinyo e ngwalwago ka gona, gammogo le go hlahliwa ke bafatišiši ba bagolwane. Tlhahlo e swanetše go lebišwa go bafatišiši ba bannyane kudu bao ba tšwago go maleme a Afrika a senyane a mmušo, bao ba sa kago ba ba le tlhahlo ye bjalo lebakeng la go feta.
DIPROTŠEKE TŠE DI KGETHEGILEGO
Godimo ga diprotšeke tše itšego ka tlase ga lekalanepišo le lengwe le le lengwe, Boto e ile ya be ya thekga ka tšhelete diprotšeke tše di kgethegilego tšeo di bego di thekga tlhabollo ya bomalementši le maleme a Afrika-Borwa. Diprotšeke tše di kgethegilego tše di latelago ke tšeo di ilego tša thekgwa ka tšhelete gareng ga ngwaga wa ditšhelete wa 2000/2001:
a Khonferense ya Foramo ya Tsošološo ya Setšo Cultural Reclamation Forum yeo e bego e swerwe ka la 15 le 16 Setemere 2000 ka Johannesburg. Nepo ya khonferense ye e be e le go sekaseka ditsela tšeo di tlogo thekga go ithuta ga maleme a Afrika ka dikolong ka moka magatong ka moka.
b Khonferense ya ngwaga ya English Language Educational Trust Traste ya Thuto ya Leleme la Seisimane yeo e bego e swerwe ka la 27 le 28 Setemere ka Yunibesithing ya Natal. Malebiša a khonferense e be e le tlhabollo ya merero ya polelo ka dikolong ka gare ga morero wa setšhaba wa kakaretšo wa bomalementši.
c Khonferense ya Tirelo ya Setšhaba ya Tlhathollo Public Service Interpreting e be e swerwe ka la 10 le 11 Oktoboro 2000 Yunibesithing ya Port Elizabeth. Nepo ya khonferense ye e be e le go lekodišiša kgonagalo ya go aba tirelo ya setšhaba ya tlhathollo le phetolelo ka Profenseng ya Kapa Bohlabela.
Dithulaganyo tša ka moso go hlabolla mothopo wa difiwa wo o akaretšago mabapi le diprotšeke tše di lego gona le tše difsa tša PANSALB
go sepediša le go hlapetša diprotšeke ka moka tše di lefelwago ke PANSALB
Go feleletša mošupatsela wo o nago le ditšhupatsela mabapi le go ngwalwa ga ditšhišinyo tša boleng bja godimo tša diprotšeke.
go hlama pukwana ye e nago le lenaneo la diprotšeke ka moka tše di phethilwego, go tsenywa gare dikakaretšo tša maikemišetšo le ditigelo, gore di phatlalatšwe.
go lekola ditšhupatsela mabapi le go ngwalwa ga dipego tše di nepagetšego tša diphatišišo gore go thušwe bathušiwa ba nago le maswanedi.
go thomiša le go lota kgokaganyo le mekgatlo ya setšhaba ya thekgo ya ditšhelete ka nepo ya go ananya makgoni le botsebi mabapi le taolo ya dithušo.
Dikomitipolelo tša Diprofense le Mekgatlo ya Setšhaba ya Polelo
Di-PLC di hlomilwe go ya ka dipeelano tša karolo ya 8 ya Molao wa Pan South African Language Board wa bo59 wa 1995 le tsebišo ye e fetotšwego ya Boto ya bo120 ya 1997. Di-PLC ke mekgatlo ya keletšo ye e hlometšwego go eletša Boto mabapi le 'taba ye nngwe le ye nngwe ye e amago polelo goba yeo e amago profense yeo e ukangwago goba taba efe le efe ye e amanago le dipolelo tšeo di dirišwago ka mo profenseng yeo e angwago.'
Tlhomo ya Dikomitipolelo tša Diprofense
Boto e hlomile le go amogela di-PLC tše seswai. Tlhomo ya PLC ya Kapa Leboa e magatong a yona a mafelelo. PLC yekhwi e tla hlongwa le pele ga mafelelo a Julae 2000. Bothata bja go laola di-PLC le go hlalošiša lefsa maikarabelo a tšona di ile tša swanelwa ke go beakanywa pele ke PANSALB, gore dikomiti tšekhwi di kgone go kwešiša tema ya tšona bjalo ka mekgatlo ya keletšo. Sekhwi se dirilwe go ya ka dipeelano tša Tsebišo ye e fetotšwego ya Boto ya bo121 ya 1997. Go feta moo tema ya dikomiti ka go diprofense malebana le go thuša Maloko a Khanselephethišo (di-MEC) ao a rwelego boikarabelo bja dipolelo ka diprofenseng tšeo di lebanego e be e swanetše go hlalosetšwa maloko a di-PLC. Sekhwi se hlotše titelo ya go diriša mekgatlo yekhwi ka botlalo, fela gare ga ngwaga wo mofsa wa ditšhelete di-PLC di tla be di šoma ka tshwanelo.
Ditiro tša Dikomitipolelo tša Diprofense tše di lego gona
Maloko a di-PLC tše seswai a swere dikopano go sekaseka ditaba tša polelo tšeo di amago diprofense tša ona mme tša hloma dikamano le di-MEC tšeo di ikarabelago go dipolelo le dikgoro tša Profense tša Bokgabo le Setšo. Ka diprofenseng, tema ya di-PLC ya go nolofatša tlhamo ya morero wa polelo wa profense e bohlokwa kudu. Ke yona mekgatlo yekhwi yeo e ka thušago di-MEC tše di ikarabelago go dipolelo diprofenseng tše itšego go hlama Melaokakanywa ya Polelo ya Profense. Ge Morero wa Polelo wa Setšhaba le Leano di se no rungwa, melaokakanywa yekhwi e thalathadilwego e ka fetošwa gore e nyalelane le morero woo. Profense ya Kapa Bodikela e šetše e na le Molao wa Polelo gomme PLC e šoma gabotse.
Ge melawana ya go buša di-PLC le ditiro tša tšona e se no ba madulong, gona go tla ba bonolo go mekgatlo yekhwi go thuša diprofense mo ditabeng tša tlhabollo ya polelo, tlhatlošo le tirišo ya maleme akhwi makaleng a bohlokwa. Go hlatloša bomalementši, di-PLC ka moka di na le bahlatholli ba Polelo ya Dika gore go be le baemedi ba Polelo ya Dika ka dikopanong tša tšona. Gapegape, gore go tle go beakanyetšwe dipolelo tša go fapana tše di emetšwego ka profenseng ye nngwe le ye nngwe, bahlatholli ba go hwenahwena goba ba tatelano ba thwetšwe ke tše dingwe tša di-PLC.
Wekšopo ya go lekodišiša ka moo di-PLC di kago thuša PANSALB e be e swerwe le PLC ya KwaZulu-Natal ka la 28 Matšhe 2001 kua Durban. Mo go wekšopo yekhwi maloko a di-PLC a ile a lemošwa ka ga morero wa polelo le ditlamorago tšeo di tlogo ama tšhomišo ya morero go ya ka dipeelano tša ditokelopolelo. Ditsela tša ka moo di-PLC di swanetšego go fetišetša dingongorego tša ditokelopolelo go PANSALB di ile tša ahlaahlwa. Di-PLC tše dingwe le tšona di tla fiwa sebaka sa go ba le wekšopo ye bjalo gareng ga ngwaga.
Dithulaganyo tša ka moso
Go hlabolla leano la go nolofatša modiro ka moka wa di-PLC go ya ka dipeelano tša temapedi ya ye nngwe le ye nngwe ya PLC ya go eletša Boto le di-MEC tše di ikarabelago go dipolelo.
Go thuša di-PLC go eletša di-MEC mo tšhomišong ya morero wa polelo le tirišo
Go hlabolla leano la gore di-PLC di šomišane le mekgatlo ye mengwe ka gare ga profense go ya ka dipeelano tša ditiro tša go hlatloša polelo le diprotšeke dife le dife tša polelo ka profenseng.
Go bapatša di-PLC le ditiro tša tšona ka profenseng go maloko ka moka a setšhaba.
go akanyetša mokgwa wa go bega kua Palamenteng ka go bobedi Kgobokano ya Setšhaba le Khansele ya Setšhaba ya Diprofense mabapi le modiro wa di-PLC le go hwetša pegelo go tšwa go Palamente.
MEKGATLO YA SETŠHABA YA POLELO (di-NLB)
NLB ya mathomo yeo e hlomilwego ke Boto ya Polelo ya Setšhaba ya Ma-Khoe le Ma-San (Khoe le San National Language Board). Go hlomiwa ga di-NLB tše dingwe go tla rungwa go ya mafelelong a ngwaga. Tlhohlo yeo e lebanego Boto mabapi le Mokgatlo wa Polelo wa Ma-Khoe le Ma-San ke ya go bopa bokgoni le go kaonafatša makgoni a maloko a mokgatlo wo gore a tle a kgone go phethagatša modiro wa ona bjalo ka mokgatlo wa keletšo. Go rungwa ga go hlomiwa ga Komitipolelo ya Profense ya Kapa Leboa le gona go tla thuša go šoma gabotse ga mokgatlo wo. Lebaka ke gore PLC ya Kapa Leboa e tla bopša ke maloko a maleme a mangwe ao a bilego le boitsebelo mabapi le tlhabollo le tlhatlošo ya polelo nywageng ye e fetilego. Boitsebelo bjokhwi bo tla ba bohlokwa kudu go maloko a Ma-Khoe le Ma-San ao a swanetšego go eletša PANSALB mo ditabeng tša go hlabolla le go hlatloša dipolelo tša ona.
Mo maitekelong a yona a go ruma go hlongwa ga di-NLB tše dingwe tša maleme a mmušo a naga ye le go hlalošiša tema ya Mekgatlo ya Setšhaba ya Polelo, Boto e ile ya swara wekšopo ka la 17 Mei 2000. Maloko a Mekgatlo ye Itšego ya Polelo ya peleng a ile a memiwa go ba gona mo wekšopong, kudukudu mabapi le go hwetša dikakanyo tša bona malebana le go hlomiwa ga di-NLB ke PANSALB. Se se ile sa hlola go fetošwa ga Tsebišo ya bo121 ya PANSALB ya 1997 malebana le go hlomiwa ga le tema ya Mekgatlo ya Setšhaba ya Polelo. Di-NLB di tla kgatha tema ye bohlokwa mo tekatekanetšong ya dipolelo tše di fapanego mme ka tsela yeo tša thekga modiro wo o dirilwego ke Diyunite tša Setšhaba tša Tlhamopukuntšu le Dikomitipolelo tša Diprofense.
Dithulaganyo tša ka moso
Go thuša Mekgatlo ka moka ya Setšhaba ya Polelo go šoma le go phethagatša tema ya yona ya boeletši ka kgogedi.
Go nolofatša thekgo ya taolo ya mekgatlo ye ka gare ga Diyunite tša yona tša Setšhaba tša Tlhamopukuntšu
Go kopanya le go phatlalatša tshedimošo mabapi le maemo a polelo ao a hlotšwego ke di-NLB.
KOKETŠO A
Balatofatšwammogo ba babedi mo molatong wa bosenyi ba ile ba ngongorega gore kgopelo yeo e bego e eya go moahlodi-moswaramarapo(presiding judge), Moahlodi Theo Grobbelaar, ya gore matlakala a bona a ditatofatšo le ditokete a fetolelwe polelo ya bona, e ile ya ganwa.
Mna C.J.A. Lourens wa go tšwa go Lourens & Stiglingh Attorneys o ile a ngongorega ka la gore pego yeo e dirilwego ke Tona ya Toka ka Oktoboro 1999, ya gore Seafrikaanse se ka no fedišwa bjalo ka polelo ya direkhoto ka dikgorong tša tsheko, e nyatša Molaotheo
Mdi J.G. Steyn o ile a ngongorega kgahlano le kgokgono ya Masetrata Mabule ya go dumelela ramolao yoo a bego a mo emela, go botšiša mosekišwa dipotšišo ka Seafrikaanse.
Mdi B Senekal o ile a laetša gore kgokgono ya Masetrata Mabule ya go dumelela ramolao yoo a bego a mo emela, go botšiša mosekišwa dipotšišo ka Seafrikaanse, mme a belaela ka ga go ba kgakanegong ga baboledi ba Seburu mabapi le gore e ka ba ba ka diriša polelo ya bona ka kgorong ya tsheko.
Mna C. Vos o ile a ngongorega ka la gore dikgokaganyo ka moka le ditsebišo goba diboto tša ditsebišo kua Kantorong ya Molekgetho wa tikologo ka Kroonstad di hwetšwa ka Seisimane fela.
MWU e ile ya ngongorega ka ga sephetho sa SARS sa go amogela Seisimane bjalo ka polelo e le noši ya dikgokaganyo le go gana ga yona go dumelela dikgopelo tša gore mangwalo a a ngwadilwego ka Seisimane a fetolwe polelong ye ba e kwesisago.
Mdi J.G. Steyn o ile a ngongorega kgahlano le sephetho sa Kgoro ya Mediro sa go amogela Seisimane bjalo ka leleme la yona la semmušo.
Mna J.G.Steyn o belaetše ka ga go se ikemišetše ga Komosasa wa Pušetšo go fa badirelwa ba gagwe diforomo tša Seafrikaanse/Seburu.
Mna W.C. Glover o ngongoregile ka ga go se ikemišetše ga Komosasa wa Pušetšo go fa badirelwa ba gagwe diforomo tša Seburu.
P.F. de Wet o ngongoregile mabapi le go se ikemišetše ga Komosasa wa Pušetšo go fa badirelwa ba gagwe diforomo tša Seburu.
Moprofesa W.A.M. Carstens o ngongoregile ka la gore SANDF e amogetše tšhomišo ya Seisimane bjalo ka polelo ya tshepedišo, ka tsela yeo e itebatša goba e nyenyefatša tšhomišo ya maleme a mangwe a Afrika-Borwa.
PRAAG e ile ya hlagiša ngongorego yeo e rego sephetho sa SANDF sa go amogela Seisimane bjalo ka leleme la tshepedišo se nyenyefatša boemo bja Seafrikaanse.
Mna W.Louw o ile a belaela legatong la ATKV ka ga go gana ga Kgoro ya Thuto go amogela tlhagišo le dingwalwa go tšwa go ATKV ka lebaka la gore di be di ngwadilwe ka Seafrikaanse e sego ka Seisimane.
Maloko a ikemetšego ka noši a 22 a SAPS a ile a hlagiša ngongorego ya kakaretšo mabapi le taelo ya Komosasa wa Tikologo wa Motšwaoswere ka Freistata Bohlabela, ya gore dipego ka moka tša bosenyi di swanetše go dirwa ka Seisimane fela. Ba ile ba belaela go ya pele ka gore moo ba ikgethelago go diriša Seburu ba kwešwa bohloko.
Mna G.F. Rautenbach o ngongoregile ka ga sephetho sa Radiakhaebe (Archivist) wa setšhaba go mo ganetša go diriša ditlabelo tše ka lebaka la gore badiredi bao ba sa bolelego Seburu, ba swanetše go diriša Seburu ge ba mo thuša.
Mtšna S du Toit o ile a belaela ka gore Kgoro ya Ditaba tša Gae ga e kgone go aba diforomo tša ngwadišo ya matswalo ka Seafrikaanse ge e kgopelwa go dira bjalo.
Mna P.A. Rautenbach o ngongoregile ka la gore ge a kgopela ditokumente tša boitsebišo, tirelo le diforomo di be di sa hwetšagale ka Seburu le ka maleme a mangwe a mannyane.
MWU e ile ya ngongorega mabapi le sephetho se se amogetšwego ke Kgoro ya Maphelo a Setšhaba ya Gauteng gore Seisimane e tla ba polelo ya Kgoro ye e swanetšego go dirišwa dikopanong, dipegong le ge go ngwalwa mangwalo,
Mna S.J. le Roux o belaetše gore diforomo tšeo di dirišwago ke SABC go sedimoša babogedi ka gore ditšhelete tša dilaesense di sa kolotwa, ga se tša gatišwa ka botlalo ka Seafrikaanse.
Mdi J.G. Steyn o ngongoregile ka ga sephetho sa Sekhwama sa Dikotsi tša Tsela sa go diriša Seisimane mererong ya ka gare le dikgokaganyo tša ka ntle
Mdi Roelofse o belaetše ka ga go se ikemišetše ga moamogedi wa Southern Sun Island Hotel go bolela ka leleme lefe goba lefe ka ntle le la Seisimane, bjalo ka ge a be a laetšwe ke taolo ya Hotele go dira bjalo.
Mna F.W. Wolff o ngongoregile ka la gore ge a bonana le ESKOM go mo thuša mabapi le thelefomo, modiredi wa ESKOM yo a amegago o ile a palelwa ke go mo kgokaganya le yo mongwe yoo a bego a ka mo thuša ka Seburu.
Moprofesa W.A.M. Carstens o ile a belaela mabapi le pego ye e dirilwego ke mohlankediphethišimogolo wa ESKOM mo poledišanong le Rapport ya gore Seisimane ke polelo e le noši yeo mang le mang a e kwešišago nageng ye.
Mdi J.G. Steyn o belaetše mabapi le phetošo ya leina la kgatišobaka ya phofo ya ka gare go ba "Sawubona",yeo e gatišago ditaba tša Seisimane fela.
Mna A.E. van Niekerk o hlagišitše ngongorego malebana le tšhomišo ya maswao a tsela ka seleteng sa Kapa Bodikela, ao bontši a lego ka Seisimane.
ATKV e ngongoregile ka ga taelo ye e tšwago go molaodi wa karolo ya kago ya dintlo ya TRANSNET ya gore ditsebišo ka moka, metsotso, mangwalo le ditlabelo tša go ngwala di swanetše go ba ka Seisimane mme ditlabelo tša go ngwala tše di lego ka "Seburu goba polelo ye nngwe", di swanetše go senywa ka bjako.
Mtšna Z.A. Dutton o ngongoregile malebana le taelo yeo e tšwago go taolo ya TRANSNET go ya go badiredi ba yona, gore ba dire kgetho mabapi le diphenšene tša bona ka Seisimane ka ge tshedimošo ye e filwego e be e le ka Seisimane fela.
Mna D. Morkel o hlagišitše ngongorego malebana le tšhomišo ya Seisimane fela mo dingwalweng ka moka tša semmušo tša Spoornet e lego seo se ilego sa dira gore bagolwane ba gagwe ba gane go šomana le dikleime tša gagwe tša phepo le maeto tšeo di bego di tšweleditšwe ka Seburu.
Mna C. Naude o ngongoregile mabapi le taelo ka thokong ya SPOORNET ya gore Seisimane e tla ba polelo e le noši ye e tlogo go dirišwa mo dingwalweng le dikopanong ka moka.
MWU e ngongoregile mabapi le ditšhošetšo tša kgato ya thupišo go tšwa go Metrorail kgahlano le badiredi bao ba hlokomologago taelo ya go diriša Seisimane fela.
Mongongoregi wa go hloka leina o belaetše ka ga tlwaelo ya go aba dithuto tša tlhahlo ka Seisimane fela mafelong a Telkom a go ithuta nageng ka bophara.
Mongongoregi o belaetše ka la gore tshekišo ya tshepedišo ya dipelaelo e sepedišwa ka Seisimane go sa kgathelege kgetho ya gagwe ya polelo - e lego Seafrikaanse - mme kgetho ya lehlakore le le hlokofaditšwego, le gore, ge a kgopela tshedimošo ye e lego ka Seburu go taolo ya Telkom, bahlapetši ba gagwe ba bega gore o šitwa go fihlelela maemo a phethagatšo a a nyakegago.
Mna A.E. van Niekerk o belaetše gore go hlolegile go hloka tekatekano ya merero ya polelo ya dikgoro ka lebaka la go šitega ga Ditona go tlogela go dira dipego tša phatlalatša ka ga morero wa polelo wo o sa elego šedi Morero le Leano la Polelo la Setšhaba.
Mna P. Cpoetzee o belaetše mabapi le go kgokgona ga EAAB, molaodi wa sekhwama sa bohwa, go diriša Seburu mo dikgokaganong tša kgwebo le ka dikgatišobakeng tša yona.
Dr I.J./ van der Walt o ngongoregile ka la gore Boto ya Profešenale ya tša Kalafo le Meno ga e tshwenyege malebana le Seburu le dipolelo tše dingwe, ka ge go se le e tee ya dikgokaganyo tša yona ye e laetšago tšhomišo ya dipolelo tšeo.
Mna P. Rose, Moaustralia, o ile a romelwa tagafala ka lebaka la go šitega go lefa dikompetšo tša kadimo go tšwa go Bankfin.Tagafala ye e bego e le ya la 26 Oktoboro 1999, e be e tšweleditšwe ka Seburu, e lego wona mothopo wa ngongorego ye.
Dikgopelo tša Tshedimošo
KOKETšO B
Dikhwetšo tše di latelago di ka hwetšwa go PANSALB goba go Bagatiši ba Mmušo(Government Printers) -
